ҚАНДЛИ ДИАБЕТЛИ БЕМОРЛАРДА ВЕНТРАЛ ЧУРРА АТРОФИ ТЎҚИМАЛАРИНИ ИНСТРУМЕНТАЛ ВА МЕТАБОЛИК БАҲОЛАШНИНГ СТАНДАРТЛАШТИРИЛГАН ПРОТОКОЛИ

Abstract

Аннотация. Тўқима мустаҳкамлиги индексини (ТМИ) амалиётда қўллаш унинг таркибий қисмларини бир хил ва қайта такрорланадиган усулда ўлчашни талаб қилади. Мақолада қандли диабетли беморларда вентрал чурра атрофи тўқималарини операциядан олдин баҳолашнинг стандартлаштирилган протоколи тақдим этилади. Протокол тўрт блокдан иборат: (1) КТ ёки УТТ ёрдамида чурра атрофидаги тўғри мушак қалинлигини ўлчаш; (2) оқ чизиқ бўйлаб апоневроз ҳолатини УТТ-эластография ёрдамида баҳолаш; (3) EHS таснифи бўйича чурра дарвозаси кенглигини аниқлаш; (4) HbA1c ва тана вазни индексини қайд этиш. Ҳар бир блок учун бемор ҳолати, ўлчаш нуқталари, такрорий ўлчашлар сони ва баллга ўтказиш қоидалари белгиланди, тўртта кўрсаткични битта регистрация картасига бирлаштирувчи тартиб ишлаб чиқилди. Протокол ТМИни ҳисоблашни текширувчидан мустақил қилиш ва турли марказлар маълумотларини таққослаш имконини беради.