ҚАНДЛИ ДИАБЕТЛИ БЕМОРЛАРДА ВЕНТРАЛ ЧУРРАНИ ДАВОЛАШДА ТЎҚИМА МУСТАҲКАМЛИГИ ИНДЕКСИГА АСОСЛАНГАН ЖАРРОҲЛИК АЛГОРИТМИ: ОПЕРАЦИЯДАН ОЛДИНГИ ОПТИМАЛЛАШТИРИШ ВА АЛЛОПЛАСТИКА УСУЛИНИ ТАНЛАШ

Abstract

Аннотация. Қандли диабетли беморларда вентрал чуррани режали даволаш учун тўқима мустаҳкамлиги индексига (ТМИ) асосланган икки босқичли жарроҳлик алгоритм ишлаб чиқилди. I босқич – операциядан олдинги оптималлаштириш: гликирланган гемоглобин (HbA1c) ≥7,5% ёки тана вазни индекси (ТВИ) ≥30 кг/м² бўлганда гликемик назорат ва вазн камайтириш амалга оширилади, сўнг ТМИ қайта ҳисобланади. II босқич – ТМИ тоифасига қараб жарроҳлик техника ва имплант танлаш: юқори ТМИда (5–6) – sublay ва стандарт полипропилен тўр; ўрта ТМИда (3–4) – sublay ёки underlay, кенг фиксация ва дренаж назорати; паст ТМИда (≤2) – underlay/IPOM, композит ёки енгил вазнли имплант, қаттиқ гликемик назорат ва профилактик антибиотиклар. Барча 243 назарий балл комбинациясида алгоритм тармоқлари бўйича тақсимот таҳлил қилинди: комбинацияларнинг 88,9% ида камида битта модификацияланувчи омил мавжуд; тўлиқ оптималлаштириш sublay ва стандарт тўр тармоғи улушини 2,5% дан 14,8% гача оширади, underlay/IPOM тармоғи улушини эса 79,0% дан 37,0% гача камайтиради.