Хизматларнинг моҳияти, иқтисодий мазмуни ва назарий-илмий асослари

Abstract

Мазкур мақолада хизматларнинг моҳияти, иқтисодий категория сифатидаги мазмуни ва назарий асослари таҳлил қилинган. Хизмат тушунчасига берилган турли илмий таърифлар қиёсий ўрганилиб, улар фаолият сифатида, натижа сифатида ҳамда фаолият ва натижанинг уйғунлиги сифатида тизимлаштирилди. Хизматларнинг ишлаб чиқариш, тақсимлаш, рағбатлантириш ва тартибга солиш функциялари очиб берилди. Жаҳон ва миллий иқтисодиётда хизматлар сектори улушининг ортиб бораётгани асосланиб, хизматлар иқтисодиётининг ривожланиши реал сектор самарадорлиги билан узвий боғлиқ эканлиги илмий жиҳатдан хулосаланди.